Crea sito

#lombardlenguacomuna

El hashtag #lombardlenguacomuna tirad de la pajina Facebook «Impariamo la lingua lombarda» al sarà anca per num el noster punt de referiment per promœver la lengua lombarda in su i reds soçai. Iut-n a spantegar-l per far capir a tuts qe la lengua lombarda, con tute i soe variant, l’è patrimoni dei so parlants, de qei qe la vœlen imprender e de l’umanitaa intrega.

‘Me ta podet ciapar l’iniziativa anca ti? Se ta cognosset la lengua, inanz a tut taca a parlar-la cont i to fiœi, cont i to parents opur con i to amix. A’l principi te varderann de stort, ma lassat minga scorajar. Adasi adasi, se bituerann e forsi se intereserann anca lor (qi ‘l po saver-l?) e te domandarann de parlar-la plussee despess.

Un alter mœd l’è qell de spartir dei publegazion domà scrivude in lombard cont el noster hashtag. Scriv qell qe ta sentet: una poesia, un coment de politega o de sport, la toa vacanza, etc… Cont el lombard ta podet parlar de qualsessia roba! Al importa minga se ta penset de haver un nivell bass, l’important l’è cominçar a far cognosser la lengua. El nivell al diventarà plussee grand man man qe ta la dopraret.

Me racomandi, la manera de lassar minga morir una lengua l’è qella de parlar-la e doprar-la in tuts i contest de la vita.

Per saver-n plussee, sqiça sora «Projets» per cognosser tute i noster iniziative.

Lascia un commento

Questo sito usa Akismet per ridurre lo spam. Scopri come i tuoi dati vengono elaborati.