Crea sito

Lombard

Se la te interessa: Storia de la lengua lombarda.

La lengua lombarda l’è una lengua romanza parlada ind el nord de l’Italia de squas 3,5 milion de persone. L’è una lengua gallo-italega insema al Piemontes, al Ligur e a l’Emilian-Romagnœl. L’è parlada ind la Lombardia, ind el Piemont (ind i province de Novara e Verbano-Cusio-Ossola), ind el Trentin Ocidental, in Emilia (domà ind una quai part del nord), in Svizera (Canton Texin) e anca in Brasil (Botuverá, Santa Catarina)1.

La lengua lombarda l’è un cluster2 de dialets qe g’hann in comun una strutura gramaticala e fonetega. Quand se parla de dialet milanes, dialet bressan, dialet bergamasc, dialet comasc, etc… se intenden semper i elements qe fann su el “contegnidor” ciamad lengua lombarda. Normalment qest nom qì l’è minga dovrad dei academie italiane qe inveci usen la denominazion soçolenguistega de dialet, çoè una lengua qe la se fa a repeton con qella nazionala. De spess, però, el termin l’è una manera per dir qe inn robe de poc cont. Donca, l’è una lengua a ris’c d’estinzion propi perqè la jent la parla plu cont i propi fiœi o nevods per una condizion de inferioridaa qe i nativ pensen qe la g’habia rispet a l’italian.

Variant

Difusion de la lengua lombarda in Italia e Svizera

 

 

El lombard al se po divider in quater variant principai:

  • (A) Lombard Alpin;
  • (B) Lombard Ocidental;
  • (C) Lombard Oriental1;
  • (E) Lombard Meridional.

1. Normalment el Lombard Oriental al ciapa denter anca el Trentin Ocidental (D).

Fonolojia

Sit ofiçal

Recognossiments

La lengua l’è recognossuda del UNESCO, qe l’ha metuda ind el so Atlas of the World’s Languages in Danger, la g’ha un codex ISO 639-3 (lmo) e l’è anca regnossuda del Ethnologue, del Glottolog, oltra qe de la majoranza dei lenguista internazionai.

Lista
La lista dei academic internazionai qe la recognoss ciarament la lengua lombarda segond i definizion UNESCO e ISO. (Sqiça per far-la plussee granda)

Ligam util

  1. LinguaLombarda.it
  2. CSPL
  3. Far Lombard
  4. Wikipedia Lombard
  5. Bilinguismo Regionale

Riferiments de fœra

    1. ↑ ([EN], Giulia Paganessi, Brazilian Bergamasch: an Italian language spoken in Botuverá (Santa Catarina, Brazil), Paes Bass, Universitaa de Leidien, August 2017).
    2. [EN] Mary C. Jones e Claudia Soria, Assessing the effect of official recognition on the vitality of endangered languages: a case of study from Italy, in Policy and Planning for Endangered Languages, Cambridge, Regn Unid, Cambridge University Press, 2015, paj. 130.